jump to navigation

தோஷம் பிப்ரவரி 27, 2008

Posted by varnajaalam in கவிதைகள், புதியது.
Tags: , ,
add a comment

தோஷம் 

சர்ப்பம் நெளியும்
ஊர்ந்து முகம் உரசும்
க‌ன‌வில்
தொட‌ர்பின்றி துர‌த்தும்
வால்க‌ளின் இடுக்கில்
புர‌ளும் நீண்ட‌ முடிக்க‌ற்றை
தேக‌ம் மின்ன‌
வ‌ரி வ‌ரியாய் வ‌ன‌ப்பாய்
கால்க‌ள் த‌ழுவி
விர‌லிடுக்கில் உற‌க்கம்
செந்தீ முனை நாக்கு
திசை தேடிய‌ ப‌ய‌ண‌த்தில்
என்னிதழ் ப‌ற்றி
உமிழ் நீர் ப‌ருகிய‌
கீற‌லும் உரிந்த‌ ப‌ச்சை
தோல் மிச்ச‌மும்
விடிந்த பின் சொன்னாள்
நீண்டு வ‌ளைந்த‌ காத‌ணி
தொலைந்து போயிற்றென்று

உனக்கானவை பிப்ரவரி 24, 2008

Posted by varnajaalam in கவிதைகள், புதியது.
Tags: , , , , ,
add a comment

உனக்கானவை 

 நீண்ட இடைவெளியை கடந்து
கவிதை எழுதுகிறேன்.
மொழியில் சரளம்
சற்றே பிடிபட மறுக்கிற‌து
வார்த்தைகள் தொண்டையில்
சிக்கிக் கொண்ட முள்ளாய்
முரண்டு பிடிக்கிறது
எதுகையும் மோனையும்
எதிரெதிரே ப‌யணிக்கின்ற‌ன‌.
ச‌ந்திப் பிழைக‌ளும்
ச‌ந்த‌ப் பிழைக‌ளும்
ச‌க‌ஜ‌மாகி விட்டன
இல‌க்க‌ண‌ம் சேராத
வரிக‌ள் என்றாலும்
அழ‌காய் இருக்கிற‌து
உன்னை ப‌ற்றிய‌
க‌விதை

பனிக்காலம் நவம்பர் 30, 2007

Posted by varnajaalam in கவிதைகள், புதியது.
add a comment

dark.jpg

பின்னிரவின் வாடைக்காற்று
மெல்ல பின் வாங்கும்
இடைவிடாது நாய்கள் குரைக்கும்
நடு வீதியை தாண்டி
விசுவாசமாய் தொடரும்
மங்கிய நிலா வெளிச்சத்தில்
உன் வீடு
அழகாய் இருக்க்கிறது

கடற்கரை நவம்பர் 30, 2007

Posted by varnajaalam in கவிதைகள்.
Tags:
add a comment

boat.jpg

இது எந்தனையாவது முறையென்று
தெரியவில்லை
இப்படி கடற்கரையில் அமர்ந்து
அலைகளை கணக்கெடுப்பது
சின்னதும் பெரிதுமாக
ஒழுங்கற்று வந்து
எதையோ தேடித் தேடி
களைத்துப் போகின்றன
என்னைப் போலவே
வேண்டியதன் இடம்
தெரியாதெனினும்

மாநகர பேருந்து – ஹைக்கூ ஜூலை 21, 2007

Posted by varnajaalam in கவிதைகள்.
add a comment

மாநகர பேருந்துpatient_bus.jpg

 ————————————————–

பேருந்து நிருத்தத்தில் இறங்கிய

 என் உதடுகளிள்

ஒட்டிக் கொண்டது உன் புன்னகை

 ————————————————–

பேருந்து டிக்கெட்டுடன்

இலவசமக

சில்லறைகான வசவும் 

 ————————————————–

மாநகர பேருந்து

சிக்கி திணறிய

காற்று  

 ————————————————–

வியர்வை நாற்றம், பவுடர் வாசத்துடன்

பேருந்தில் பயணிக்கின்ற

வாசனையற்ற மனிதர்களும

 ————————————————–